政府要求公務員要簽署聲明宣誓效忠,早前多個黃公僕辭職,衞生署去年度一共有144人辭職,比前年增加33%,有媒體致電衞生防護中心感染控制處醫生的政府醫生協會會長李慧茵,李慧茵承認去年12月辭職,表示自己係「裸辭」,但問到係咪唔想宣誓先辭職,佢就話唔想講咁多喎!
在政府要求公務員宣誓效忠後,李慧茵曾在「公共醫療醫生協會與政府醫生協會」嘅晚宴上指,即使公務員需要政治中立,但都要有自由意志,同時曾稱「不能將常識及良知扔入垃圾桶。」
李慧茵表示3月31日是最後一日上班,已於政府工作近15年,但未來未有新工作安排,想休息吓喎。而問到「裸辭」關唔關宣誓事,佢就話唔想講咁多原因,又話唔希望為留喺政府內嘅同事造成壓力云云。
李慧茵同時兼任政府醫生協會會長,暫時由副會長署任會長職務,屆時6月會員大會再選出新會長。
道不同不相為謀,既然無心再為政府做事,一句送李慧茵,好走!
原圖:頭條日報
投票已截止,多謝支持