好消息、好消息,英國黃組織「香港監察」日前宣佈,為咗成立加拿大版嘅「香港監察」,已經開啟捐款模式,各位手joke又可以貢獻自己嘅血汗錢畀國際友人使了。
新組織名為「加拿大香港監察」,話會幫冇BNO但又想移民嘅手joke移民加拿大,至於細節如何?當然係家陣冇,等你捐款之後先有機會有啦!該組織仲話會向加拿大政府反映香港移民嘅需要添,真係好powerful啊!
咁都未夠?呢個組織有更遠大嘅願景,要制裁「侵犯香港人權」嘅中國同香港官員,同埋會推動加拿大政府對投資進行審查,確保任何私人同公共投資都唔會去到中共手裡。講起上來好似勁過美國政府咁。話唔定遲啲仲可以帶埋手joke登陸太陽添。各位手joke仲等乜嘢!嗱嗱聲去捐款啦!哈哈!
原圖:香港監察官網圖片、無綫新聞截圖
投票已截止,多謝支持