據《星島日報》報道，旺角一間樓上舖被發現公開兜售「暴動物資」，經《星島日報》記者調查後，發現店內發售雷射筆、刀具、豬嘴及印有「光復香港，時代革命」等口號嘅襟章，有大律師指，店方恐違國安法，而買家亦有墮入法網風險。

《星島日報》報道指，疑似有人以低價向「手足」收集「暴動物資」，再經樓上舖及網店轉售，據《星島日報》記者親身調查，與一位自稱「方丈」嘅男子喺Telegram其所開設嘅「香城XX血色蟹貨部」專頁溝通，獲告知物資可於旺角一家樓上舖購買。

店內充斥攻擊性武器

《星島》記者於該樓上舖發現店內充斥唔少於反修例暴動現場出現嘅攻擊性武器，當中包括雷射筆、俗稱「豬嘴」嘅防毒面罩、萬用刀、伸縮警棍及多種反政治訴求嘅物品。據知，店主於去年十月由網上買賣轉為開設實體店。

大律師陸偉雄接受《星島日報》訪問時指，管有或出售此類物資，若冇合理解釋，或已違反「藏有攻擊性武器」或「藏有工具可作非法用途」，而出售者同購買者都可能墮入法網，但就指唔可以單靠物件判斷買賣者係咪違法，要睇雙方喺使用目的上，有冇合理解釋同合理權限。

撐執法者徹查，如有違法，促警方執法！

原圖：頭條日報

https://hd.stheadline.com/news/realtime/hk/2039499/%E5%8D%B3%E6%99%82-%E6%B8%AF%E8%81%9E-%E7%8D%A8%E5%AE%B6-%E6%9A%B4%E5%8B%95%E7%89%A9%E8%B3%87-%E7%B6%B2%E5%BA%97%E6%A8%93%E4%B8%8A%E9%8B%AA%E4%BB%BB%E8%B2%B7-%E5%85%89%E6%99%82-%E8%A5%9F%E7%AB%A0%E6%81%90%E9%81%95-%E5%9C%8B%E5%AE%89%E6%B3%95