歐美炮製所謂「新疆人權問題」污衊中國，聲稱中國政府「強迫勞動」新疆維吾爾族人採摘棉花。由特朗普到拜登，即使美國總統換人，但以霸權為首嘅一眾西方列強，從未放棄過遏止中國崛起嘅念頭，大有重組百年前「八國聯軍」之勢。

講起都唔知好嬲定好笑，依家都已經2021年，要知道新疆棉花佔世界產量超過20%，中國作為世界頂尖嘅工業大國，喺今時今日呢個講求效率，事事機械化嘅時代，仲要「強迫勞動」用人手慢慢採摘棉花？稍為動吓腦筋，都知道冇可能啦！如果新疆真係好似西媒講到咁慘情，中國又何來迪麗熱巴、古力娜扎等國際知名嘅維族巨星？睇怕細細個就去咗摘棉花囉！

近年西方砌詞打壓中國嘅事例多不勝數，在此不贅。但西方有西方打壓，太陽依然從東邊升起，炎黃子孫始終屹立不倒，站在中華大地之上，點解？

由楊潔篪喺中美會談上大展風采，豪言「中國人不吃這一套」、「美國沒有資格居高臨下同中國說話」，到近日兩岸三地明星藝人勇敢挺身維護國家尊嚴，與抹黑疆棉嘅西方品牌割席，陳奕迅不惜冒住賠鉅款風險，亦要離棄合作超過10年嘅adidas，我哋就可以知道風向早就改咗，經過120年蛻變，中國由屈辱到自強，東風已然壓過西風！

歐美列強要組新「八國聯軍」，請便！但中國不同於晚清、習近平不是慈禧、解放軍並非北洋艦隊、中國人更加唔係百年之前，對外侮卑躬屈膝，萬事只能忍氣吞聲嘅「東亞病夫」，中國人已經站起來，今日中國已再無跪著的中國人！面對列強挑戰，14億炎黃子孫只會挺起胸膛團結一致，然後站著笑到最後！

原圖：央視截圖、陳奕迅Facebook

https://www.facebook.com/EasonChanOfficial/photos/a.207658349244386/4202263983117116