日前有網友爆料,指有私家診所醫生公然叫市民唔好打國產科興疫苗,更指科興信譽不好(請按此重溫),圖片一出,引起嘩然,市民直斥相關診所作為有問題,望有關部門盡快畀市民一個交代,衞生署昨宣布即時回收該診所嘅科興疫苗。
涉事診所為土瓜灣仁澤醫務中心嘅劉東華醫生診所,早前網上瘋傳嘅照片顯示,該診所指科興生產商「聲譽不好」,同時建議大家唔好打。衞生署回應指,據調查所得,涉事醫生違反新冠疫苗接種計劃下私家診所條款協議,已於周一起終止同該診所嘅協議,並且已即時回收晒未使用嘅科興疫苗。
專業人士要有專業操守,對於衞生署終止涉事診所嘅協議,大家支持嗎?
原圖:網絡圖片
投票已截止,多謝支持