香港黃營「叫人衝自己鬆」代表人物、涉違國安法著草的已完羅冠聰昨在社交網站報喜,指自己收到耶魯大學通知,碩士畢業鳥!相比起香港手Joke用坐監過精彩人生,羅冠聰就選擇用耶魯大學鍍金過真正嘅精彩人生,真係寧舍不同巧威威!
羅冠聰自我感覺相當良好,同大家分享佢嘅人生巔峰,又訴苦自言「試過在上學途中,乘坐專車用4小時來回紐約,只為了做一個15分鐘的訪問;也試過為了去華盛頓一場演講,在下午課後乘坐6小時火車通勤後,再於翌日中午回程」,辛苦到佢呢。
羅冠聰又話,自己要讀8科,當中有6科攞Honors(相當於攞A),真係好叻㗎,佢亦忍唔住自豪表示「算是一個對得起自己的成績」。不過有好事網民就為佢贈慶,串爆佢「著草都攞一百分」;又有閒人話「可能係同情分」喎,咁就唔知喇。
著草著出新境界,留底手足慢慢捱。著草已完羅冠聰名牌大學碩士畢業,呢啲係咪叫「人生贏家」呢?
原圖:星島日報
https://std.stheadline.com/realtime/article/1097507
投票已截止,多謝支持