前年8.18反修例「流水式集會」未經批准集結案,將於下個月16日開審。原本律政司委託英國御用大律師David Perry作為該案主控官。但在委託公佈之後,英國方面不停有批評聲音,包括現任英外相藍韜文向David Perry 施壓,話佢「唯利是圖」;前英國外相聶偉敬指David Perry應該憑良心拒絕受聘云云。
今日早上律政司發聲明,話David Perry由於不斷受到來自英國社會嘅壓力與批評,同埋有關入境香港強制檢疫嘅安排,指出審訊應該喺冇佢參與嘅情況下如期進行。由於上述原因,律政司已經委託另一名律師作為該案主控官。
前刑事檢控專員江樂士早前接受星島日報訪問時鬧暴藍韜文,話佢喺沒有核實事件之前就公然對David Perry施壓,藍韜文誤以為該案件屬《港區國安法》案件,但事實該案件係屬於違反香港《公安條例》,更何況事發時候係前年8月,《港區國安法》係舊年七月才生效。本身係事務律師嘅藍韜文喺查清基本事實之前就批評David Perry,實在係十分丟架嘅行為,應該立即撤回言論及道歉。
英國政棍喺黎智英有份嘅案件上未查清楚就開罵,行為真係令人髮指。公然干預香港司法制度嘅行為更加係人神共憤。要求英國政棍立即道歉!
原圖:星島日報 ,頭條日報,無綫新聞截圖
https://std.stheadline.com/realtime/article/1480042
https://hd.stheadline.com/news/realtime/hk/1816888
https://hd.stheadline.com/news/realtime/hk/1707724
投票已截止,多謝支持