自區議會被黃議員佔領後，區議會每次開會都烏煙瘴氣，區議員不務正業，正經事唔做吓吓都係提政治議題。昨日立法會召開民政事務委員會會議，除多名議員鬧爆現任區議員做唔到嘢之外，民政事務局局長徐英偉亦批評區議會已失效，指區議會過度政治化，表示正檢視區議會嘅未來方向。

批區議會撥款不理想

徐英偉批評議會明顯過度政治化，表示睇到有失效情況，亦指區議會撥款不理想，所以當局正檢視未來方向工作，適當時候會匯報進展。

政府研改革區議會，為解決目前區議會只提政治議題而忽略地區民生事項嘅問題，有政界中人估計，政府或研究係咪要就「地區事務」作出清晰定義。而政府亦可能研究調整地區撥款權，當中可研究地區舉辦活動等，係咪允許直接向相關部門作申請。例如，約八十年歷史嘅大埔區龍舟賽早前因區議會拒批撥款被逼取消，日後主辦單位或可透過康樂及文化事務署申請，由署方直接批出地區康體活動嘅撥款，不需經區議會。政府亦會研究如何做好監察機制，以確保申請者唔會報大數及將公帑用得其所。

區議會要做嘅，係為市民服務，而唔係畀黃區議員舒發政見、玩針對嘅地方，支持改革，最好DQ埋搞事黃議員！

原圖：無綫新聞截圖、星島日報圖片

https://std.stheadline.com/realtime/article/1181983/%E5%8D%B3%E6%99%82-%E6%B8%AF%E8%81%9E-%E9%84%A7%E7%82%B3%E5%BC%B7%E5%87%BA%E5%B8%AD%E4%B8%AD%E8%A5%BF%E5%8D%80%E5%8D%80%E8%AD%B0%E6%9C%83%E6%9C%83%E8%AD%B0-%E5%85%A9%E6%89%B9%E7%A4%BA%E5%A8%81%E8%80%85%E5%A0%B4%E5%A4%96%E9%9A%94%E9%A6%AC%E8%B7%AF%E5%B0%8D%E7%BD%B5