《港區國安法》實施後,唔少黃友驚到「流亡」海外,當中包括盲反反修例、係咁批評香港政府嘅藝人鄭敬基(請按此重溫),但鄭敬基「流亡」加拿大後亦唔肯收手,更話要打國際線,日前更連線羅冠聰及彭定康。鄭敬基近日自爆因盲撐黃營而被圈中老前輩鬧低能白痴,更勸其收手,事後鄭敬基接受《蘋果日報》時承認老前輩為吳耀漢。
鄭敬基近日在YouTube節目中透露,於反修例風波後,有老前輩留意其Facebook,最近仲有老前輩留言鬧其盲撐黃營反政府嘅行為係「死硬」,表示「Joe my friend, stop now before it’s too late, your political views are doomed, why do you bang your head against a brick wall? Don’t sacrifice yourself for an unworthy cause!」 鄭敬基將此翻譯成,「你嘅政見冇運行,死硬,點解你仲要個頭死都對住幅石牆撞埋去?千奇唔好為一個咁唔值得嘅原因去發聲、去犧牲自己。」
之後,鄭敬基更指被老前輩嘅留言辣㷫,指老前輩留言鬧佢,表示「stop before it’s too late, Joe, You are being silly and stupid!」雖然鄭敬基話自己唔會將老前輩開名,但有媒體翻查留言發現鄭敬基口中老前輩為Richard Ng ,即為吳耀漢,事後鄭敬基回覆《蘋果日報》時,亦承認老前輩為吳耀漢。
愛國嘅吳耀漢除曾自豪表示「我是中國人」外,更公開撐過一地兩檢,批評反對派逢中必反(請按此重溫)。
鄭敬基為反政府不斷搞搞震,連圈中老前輩都睇唔過眼,大家又覺得老前輩鬧得啱唔啱?
原圖:星島日報
投票已截止,多謝支持