第四波疫情爆發，情況嚴峻，政府推出更嚴謹嘅防疫措施，藝人紛紛響應。當中，視帝黎耀祥表示會據政府嘅指引，做好防疫措施，更建議自行買定「新冠病毒抗原快速測試」產品，方便定期進行檢測，護己護人！

倡收緊抵港人士隔離安排

黎耀祥自言睇得好開，所以唔會受到疫情持續反覆影響心情，又稱會調節心態，更指過分擔心反而會弄巧反拙。黎耀祥指如事事做足，相信疫情好快會過去，呼籲大家要抱住正面心態，最緊要係小心，無必要成日誠惶誠恐。

另外， 黎耀祥認為政府可以再收緊海外抵港人士嘅隔離安排，希望以此阻截輸入個案，認為無人可豁免。黎耀祥表示會視乎需要而自行做檢測，更指會買定「新冠病毒抗原快速測試」看門口。

做得好，齊齊定期做檢測，自己安心之餘，相信疫情都好快會成過去！

原圖：黎耀祥Facebook

https://www.facebook.com/WayneLaiFanclub/photos/a.475808895797407/3340464639331804