黃之鋒多次投訴懲教署,而且佢嘅投訴都係噏得就噏!近日黃之鋒又亂咁「負評」懲教,話有懲教嘅人向佢透露,現時還押壁屋懲教所嘅學生動源前召集人鍾翰林,被署所職員要求佢步操超過4小時,就算操到胃痛都唔可以停,事後,懲教署批評黃之鋒指控不實,而且學生動源仲發文向懲教署Say Sorry,認當中有誤會。
懲教署今回應黃之鋒嘅指控,狠批黃之鋒係及核實消息來源之下,亂咁喺佢社交平台對懲教署作出惡意指控,又鬧黃今次已經唔係第一次喺冇任何實質證據下攻擊相關懲教人員,懲教署更斥黃之鋒公開有關懲教人員嘅樣同個人資料,係企圖以抹黑手法打擊所有執勤懲教人員嘅信心及誠信。
署方表示會嚴正處理事件,已經將事件交由其他執法部門跟進。
而學生動源澄清,表示黃之鋒指控懲教此事係溝通誤解而引起嘅誤會,表示「前學生動源成員何諾恆今早親自去探訪鍾翰林詢問昨天朋友所轉述的事情是否屬實,鍾回應指昨日曾向友人轉述自己因早餐後步操近一小時,故引致胃痛。早餐後本應是約1小時自由時間,但當日懲教職員指示還押人士在自由時間內步操,當中包括十多位還押人士,並非只針對鍾一個。」
懲教署鬧得好!黃之鋒下次可唔可以Fact Check咗先?
原圖:星島日報、黃之鋒Facebook
https://www.facebook.com/joshuawongchifung/photos/a.200977756661407/2953715341387621
投票已截止,多謝支持