12瞞逃欲著草台灣不成,被內地海警拘捕至今已經3個月,眾人仍被押在深圳鹽田看守所,現時再有家屬收到12瞞逃嘅親筆信。「香港故事」成員李宇軒親筆寫信予家人,除咗交代喺看守所嘅生活之外,仲呼籲家人收手,咪再搞事,但家人就質疑李宇軒所寫嘅內容唔係出於自願,而係被迫寫㗎喎!
李宇軒嘅妹妹Beatrice近日收到阿哥所寫嘅信,內容提到喺鹽田看守所中冇受到欺負,指有病可以睇醫生,甚至有進行新冠病毒檢測。另外,李宇軒於信中點名阿妹,叫佢「咪繼續搞,好收手喇」,又指自己已經反省及睇清形勢,認為再搞落去係無前途,甚至指自己就係「人辦」,所以唔希望阿妹好似佢咁。
但Beatrice卻質疑信中內容嘅真實性,話一睇就知唔係阿哥自發去寫,又覺得阿哥係喺唔知咩威迫情況下,被迫寫呢封信,指有人想藉阿哥嚟叫佢收手,「他迫哥哥這樣寫封信,目的是一種人質外交,人在我手上,你最好聽我說,但我不可能這樣屈服。」
李宇軒有親筆信寄出,但家人並不相信,有所質疑。姑勿論如何,倘當日未有挑戰法律底線,甚至是棄保潛逃,又怎會出現今日之局?
原圖:now新聞截圖
投票已截止,多謝支持