港府宣布取消反對派四名立法會議員資格，事件最終演變成泛民集體總辭嘅局面。有見及此，就連一向喺區議會上表現得「天不怕地不怕」嘅黃區議員都知驚，仲話好擔心DQ潮會殺到區議會添！

梁：做得一日得一日

中西區區議員梁晃維日前出席港台節目《城市論壇》時，坦言區議員依家人人自危，擔心有DQ危機。佢仲話依家只係「做得一日得一日」，由於多個區議會之前曾經通過動議反對《港區國安法》，如果政府真係要清算，可能全港有300幾個黃營區議員都會被取消資格喎！

本應關注民生工作嘅區議會搞到立立亂，淪為黃營政治舞台，倘政府真係要出手整頓，市民梗係支持啦！

原圖：港台節目《城市論壇》片段截圖