日前，特首林鄭月娥喺香港法律周2020致詞時，明言不能容忍司法人員受不合理攻擊，對法官的批評必須有事實根據，希望大眾尊重法庭、法官及他們裁決。佢又引述終審法院首席法官馬道立嘅話，稱並非不准批評法庭及法官，只是評論要基於事實、恰當表達，否則會損害公眾對司法機構維持公義以至法治的信心。

然而，香港區院法官沈小民早前裁定去年831灣仔暴動案8名被告全部無罪釋放，其中律政司就社工陳虹秀表證不成立提上訴；至於另外7人脫暴動罪，在社會上亦引來很大回響。本身亦是律師嘅民建聯立法會議員周浩鼎認為，法庭有關做法可能出現錯誤，擔心令人誤以為參與暴動毋須負上法律代價。

講真，8名涉及灣仔暴動嘅被告竟無一入罪，本已不可思議，尤其法官嘅判詞更是令人嘖嘖稱奇！佢形容案發當天為「難得的歷史時刻」，有論者指佢嘅「想象力太豐富」。按此邏輯，豈非所有參與暴動或非法集結者都可自稱為「歷史見證人」？若然，「警察拉人，司法放人」豈非成為永恒定律？見證歷史性時刻大過天？難怪連執業大律師龔靜儀都指說法不合理！阿哥，即使當你來「見證」，你知道警方在驅散，在執法做嘢，正常人都會走啦！兵慌馬亂，唔通企喺度博拉？

法官判詞令人嘖嘖稱奇

仲有更可笑嘅，作為法官，甚至巧辭妙語為暴徒辯護，話佢哋逃跑或因怕警察，若然，我哋喺電視新聞就睇唔到有差人畀暴徒打到豬頭咁，甚至血流披面，有啲被淋腐蝕性液體，更有被刺頸差啲命都冇喇！有個網民講咗個笑話，幾抵死，筆者試簡言述之如下：

某日，沈生嘅朋友話畀沈生知，說沈太生日當天同一男人在酒店幽會，喺酒店泳池碰到佢，拔足慌張便跑，浴袍更跌出避孕套！沈生就話畀其友知：唓！大驚小怪，身上有避孕套就有姦情咩？套套係酒店送嘅好出奇咩？而且，去酒店可能真係只為慶祝生日！更大可能，係驚你樣衰阻頭阻勢做電燈膽先拔足狂奔啫！朋友聽罷，對沈生說：你太太有你咁嘅老公，太幸福了！

口痕友就話：佢應該甜言密語引沈先生去酒店床邊見證歷史「性」時刻吖嘛！

唉！點講都好啦，世事無絕對，只有真情趣！

法官又話不應將穿著黑衣的人隨意視為參與暴動！咁又係，黑色可以係黑材料，又可以係黑色幽默，可塑性甚高，而黑暴自然係「美麗風景線」！所以話，唔好成日話「警察拉人，法官放人」好唔好？凡事要多角度透視，你就唔會對法官諸多批評㗎啦！

原圖：頭條日報

https://hd.stheadline.com/news/realtime/hk/1552695/即時-港聞-非禮女子患-睡眠性交症-外籍男上訴得直-法官-原審錯判無受病情影響