香港教育大崩壞已經係不爭嘅事實！回歸廿三年，民心遲遲未回歸，想深一層，真正問題在於教育崩壞，尤其反中亂港勢力深入校園，由小學到大學都有黃師長期播獨，長期毀人不倦，大家都睇到，反修例黑暴中，多達四千名學生被捕，其中甚至有年僅十一歲嘅小學生！

長期以來，教育局冇做好本份，一味婦人之仁，要不是社會輿論沸騰，要教育局切勿再姑息養奸，教師「釘牌」嘅第一聲槍聲肯定仍未響！事實上，九龍塘宣道小學嗰位黃師，藉工作紙在課堂公然播獨，已經唔係專業失徳咁簡單，其實已涉嫌違反港區國安法，教育局亦不過係以釘牌做佢本份應做嘅事，而且還諸多維護，又話涉及案情係國安立法之前，是以冇以港區國安法提告，之但係又拒絕公開其姓名，不還家長知情權，這不是包庇是甚麼？

嗱！HKG報早前接獲家長投訴，指控香港培正中學嘅通識科教材詆毀及抹黑內地法制，而其煽動仇視國家嘅通識教材，更在《港區國安法》實施後，咁教育局局長是否應交由國安處接手調查？事實更證明，黑暴以來，問題教師利用教材美化黑暴層出不窮，今次有家長反映培正中學有教師利用早禱會時拍片宣揚「831」，趁機散播「警察打死人」嘅仇警訊息；亦有家長提供通識科教材，當中引用人稱「戴妖」嘅「違法達義」概念，令激進年輕人走上街頭做炮灰！

學生長期被洗腦 香港難真正回歸

筆者誠意推薦大家睇吓本報《追蹤問題教師系列》，過去多次揭發香港教育界黑暗一面，引來不少迴響。日前推出第五集「書中滿載黃文宣」更是精采紛呈，主持周天慧以事實為依據，為大家深入探討黃師播獨如何扭曲教材，借宗教大肆宣傳港獨。好似「約翰福音8 ：31」，淨係着重「831」而忽略有關經文，以數字為主題，強調「毋忘831」，阿哥，咁都得？

至於高中嘅通識敎材，加上大量通識教師嘅個人意見，甚麼禁「蒙面法」實施期間，蒙面遊行等同公民抗命；人大釋法是「僭建」等大量通識教師嘅個人意見。要言之培正中學嘅高中通識教材，黃到出汁，主要係借教材一面倒咁散播反中仇警思想！

嘞！呢一集《追蹤問題教師系列》五實在精彩之至，筆者希望教育局局長及有關視學組高官，認真看一看，看過後唔係企定定喺度乜都唔洗做，而係必須正視教師嘅專業操守，有失德者必須釘牌並公開其姓名，使家長知照！使黃師唔可以公然再荼毒下一代！而教材監管亦要嚴加執行，否則學生長期被洗腦，只知反中仇警，香港教育只會一路崩壞！香港亦難以真正回歸！

教育局局長任重而道遠，唔該切實把好關！

原圖：頭條日報

https://hd.stheadline.com/news/realtime/hk/1804552/%E5%8D%B3%E6%99%82-%E6%B8%AF%E8%81%9E-%E5%9C%8B%E5%AE%89%E6%B3%95-%E5%9F%B9%E6%AD%A3%E4%B8%AD%E5%AD%B8%E5%89%AF%E6%A0%A1%E7%96%91%E8%81%AF%E7%BD%B2%E5%8F%8D%E7%AB%8B%E6%B3%95%E8%A2%AB%E6%8A%95%E8%A8%B4-%E6%95%99%E5%8D%94-%E6%89%93%E5%A3%93%E8%A1%A8%E9%81%94%E8%87%AA%E7%94%B1