【2020立會延選系列】反對派於去留問題上大耍太極推手,進進退退拖拖拉拉,一直未有定案,多個民調顯示巿民想佢哋走,但班友依然賴死,硬要等埋等一個自己Set好門檻嘅民調結果,仲要將樣本數目由2,000加到2,400,作垂死掙扎。
其實,好地地想留就留,收多年人工肥過肥仔水咪好囉,但又要淆底激進派意見!政棍硬係要假民主,結果變成真自爆,任你點搬龍門,激進派想你哋走嘅意願都好難逆轉。林卓廷仲話而家佢哋所謂抗爭,一係喺議會拉布,一係喺議會外搞肢體衝突,講到明要搞事,巿民又點會想你哋留低?
再問大家一次,想唔想佢哋走呢?
原圖:星島日報
投票已截止,多謝支持