美國由侵侵帶領嘅政府，幾乎上上下下都出盡力去干預中國，阻礙中國發展，特別係美國國務卿蓬佩奧，堪稱侵侵頭號打手。剛過去嘅星期二，蓬佩奧又發功，佢訪問捷克於捷克參議院發表演說期間，公開支持捷克參議院議長維施特奇爾（Miloš Vystrčil）訪問台灣，仲話呢個訪問「是個好計劃」。

除此之外，佢喺演說中仲起勢屈中國對世界嘅「影響力」，可比冷戰時期嘅蘇聯，又屈中國同俄羅斯、伊朗為首嘅威權主義，威脅到全球嘅自由云云。講咗一堆廢話嚇人，之後佢嘅目的就出嚟喇！蓬佩奧原來佢想拖歐洲各國落水，一齊對抗中共，咁樣擺明煽動，好離譜啫！中國駐捷克大使館發言人喺星期三就蓬佩奧言論作回應，狠批佢「打着民主、自由的名號，無端攻擊、抹黑和「甩鍋」中國，惡意挑撥別國與中國關係」，奉勸佢要尊重歷史事實，停止干預中國內政，同埋唔好再散播呢啲「政治病毒」。

美帝針對中國嘅行動沒完沒了，不停挑撥離間，唯恐天下不亂，實在可惡！

原圖：無綫新聞截圖