香港爆發第三波新冠肺炎疫情，中央上周應港府請求，派內地專家赴港幫忙，協助香港展開大規模核酸檢測。明明係一件好事，但卻遭到黃營批評，甚至有黃區議員為此事抗議，質疑內地人員檢測港人嘅基因資料會被送返內地云云。對此，港區全國人大代表葉國謙接受《HK01》專訪，指出中央出手係出於關懷，批評有人唔信任中央，又斥相關言論已經反映「反中央、反國家」嘅行為。

擔憂者大可唔參與檢測

葉國謙表示，無論國家係出於人道定係國家責任嘅角度去幫助香港，都係屬於中央對香港嘅關懷。對於有人將檢測一事講到係中央要取得港人資料，葉國謙指若真係擔憂，大可選擇唔參與，但唔應該阻礙其他市民，更反問：「攞你咁多資料做乜啫？」葉國謙更批評有人將事件政治化，斥黃營嘅言論係想煽動情緒，又指黃營此行為係受西方意識影響，屬於反中央政府思潮嘅一種延續。

最後，葉國謙強調唔接受香港嘅「保護主義」，對於有人稱港府大把錢，指檢測應由香港人自己做，葉國謙形容相關說法係對於疫情嚴峻嘅漠視，同時係罔顧香港市民嘅生命。

反對派小人之心，妄加猜疑，在疫情之下仍要分化中港，實在是豈有此理！畀Like為馳援香港的內地專家打氣！

原圖：大公報

http://www.takungpao.com.hk/hongkong/text/2016/0710/7739.html