美國近來年不斷針對中國，原因係咩？可能係眼見自己唔掂，所以眼紅中國！內地次季GDP由負轉正，升3.2%好過預期（請按此重溫），相反美國第2季國內生產總值(GDP)按季年率初值大幅收縮32.9%，係自1940年代以來最差，但略好過市場預期收縮34.1%；首季收縮5%。

第2季消費者支出初值減少34.6%，此亦係歷來最大跌幅；另個人消費支出(PCE)物價指數初值下跌1.9%，核心PCE物價指數初值出乎意料下跌1.1%，市場估計上升1%。

民主共和兩黨未有共識

聯儲局主席鮑威爾（Jerome Powell）早前喺議息後記者會上，話會動用所有工具支持美國經濟復甦，只不過，國會依然圍住新一輪紓困方案嘈緊， 民主共和兩黨未有共識，美國日後經濟形勢會無點？真係難講啦！

美國咁唔掂，侵侵想連任就要加油喇！

原圖：無綫新聞截圖