眾望所歸，冇得留低！披着「法律學者」、港大法律學院副教授戴耀廷，日前遭港大校委會以18：2大比數通過即時解僱，這真是疫情嚴峻下最震奮人心嘅喜事！

人稱「戴妖」嘅戴耀廷自此失去「港大法律學院副教授」呢個光環，睇怕再出來搞事，頂多係「大隻累累，跌落坑渠」，即使黐埋毒果報，亦玩不出甚麼「風雲」計劃矣。

知法犯法 鼓勵年輕人「違法達義」

戴妖係佔中發起人，佢知法犯法，鼓勵年輕人「違法達義」，美化暴力令血氣方剛嘅學生紛紛走上街頭「抗爭」，不少更變成炮灰，其觸犯嘅罪行，根本就罄竹難書。佢被即時解僱，果然天有眼！正義即使遲到，畢竟還是會到。

戴妖即時失去光環，佢亦即時係面書上大發謬論，稱這「標誌香港學術自由的終結」。口痕友就話呢個「標誌香港大學毒瘤切除」，大學有望重生！旨哉斯言。

戴妖仲廢噏甚麼「當目睹所愛的大學沉淪，我感到心痛。不過，我會以另外的身份繼續法治的研究及教學工作，也不會停止為香港的法治而戰」。如此死不悔改，正應了港大「樹大有枯枝」！二〇一九年，立法會議員何君堯、全國政協委員劉炳草等三十多名香港大學校友聯諌要求淸理門戶，指港大「法律學院家門不幸，有戴耀廷者尸位素餐。其忝為人師，未聞有學術成就，惟終日鼓吹叛逆，煽惑學生，滿口荒唐⋯⋯」

戴妖在毒果報曾發表《獄中書簡》，佢係一篇為「野豬精神不死」嘅文章，自比「野豬」，於此可見其「好搞事」性格！筆者二〇一九年、五月十四日曾在G報博客發表「不炒戴耀廷 是養大奸亂校政，港大百年基石，何堪妖氣迷漫」，對佢不適宜再誤人子弟已有詳盡分析，這裏不贅了！

校園政治化容不下一張安靜嘅書桌

畢竟近幾年香港大學過於政治化，校園再容不下一張安靜嘅書桌！以致有人說：不到港大，不知道文革還在搞！一個研究高深學問嘅大學，就係畀戴妖呢啲別有用心嘅人，披着「法律學者」嘅外衣，搞到校園烏煙瘴氣！今戴妖一去，港大這所百年老店切除了戴妖這顆毒瘤，點講都係百利而無一害！筆者相信港大必重拾校譽，甚且更上層樓。

原圖：大公報

http://www.takungpao.com.hk/finance/text/2017/0406/72244.html

http://www.takungpao.com.hk/hongkong/text/2017/1008/117925.html