反修例騷亂至今,警察出心出力守護香港,除了防暴警員值得大家去致敬外,堅守其他崗位嘅執法者,同樣值得大家支持。當中包括之前每日於四點鐘記者會中向大家講述暴亂現場嘅警察公共關係科(PPRB)的師兄師姐。PPRB高級警司江永祥近日接受《東網》訪問,除咗表示無悔入警隊外(請接此重溫),更感激家人同袍及市民支持。
當時嘅記者會,有記者不時質問警方,記者會可謂非常考急才,江Sir亦指記者會其實好考同事對警務工作同知識嘅理解,更表示幸好自己以前有唔同嘅工作經驗,而駐守嘅部門同崗位亦比較多,故幫到其應對唔同嘅問題!
在騷亂之下,不少察警被起底,江Sir亦不例外,家人慘受連累。談及相關話題時,江Sir表示做得呢個位就預咗要受,同時猶幸屋企人對佢嘅處境十分體諒並給予支持。
另外,江Sir又指出入警署時,同袍們會特意上前向佢致謝,感激佢為警隊發聲,而街上亦會有市民特意為佢打氣,坦言此為算是苦中一點甜。
江Sir為香港為警隊嘅付出,大家有目共睹!儘管未能在前線捍衛治安,仍在後方努力付出。守護香港,不分崗位,致敬!
原圖:星島日報
投票已截止,多謝支持