一對夫婦及一名女學生被控於去年7月28日喺港島區參與暴動，3人否認控罪。案件今早於區域法院裁決，3人被裁定暴動罪名不成立、交替控罪非法集結亦不成立。而夫婦2人被控無牌管有無線電器具罪名成立，各被判罰款1萬元。法官郭啟安表示，證據未有肯定其與示威者「集結」。

夫婦無牌管有無線電罪成

三名被告包括為39歲湯偉雄、42歲杜依蘭及17歲李姓女被告。3人被控於2019年7月28日在德輔道西近西邊街一帶，參與暴動。郭官喺裁決話基於證據，不但唔可以裁定夫婦二人當日係幾時離開德輔道西，而係根本推論唔到佢哋當日被捕前曾出現喺德輔道西，又指因缺乏證據顯示其當日曾與德輔道西嘅示威者「集結在一起」，所以其不可能親身參與「暴動」甚至「非法集結」，又指不能排除夫婦被告可能只為救人。

而女學生當日喺徳輔道西出現暴動前約半小時前，已經出現於徳輔道西，法庭考慮到現有證據，同指未能肯定佢曾喺德輔道西與示威者「集結在一起」。

法官郭啟安最近更指，現時本案有關「暴動」罪或「非法集結」罪裁決結果，只係反映本案呈堂證據嘅狀況，係基於普通法中奉行嘅「疑點的利益歸予被告」以及「寧縱毋枉」原則，唔一定可以反映3名被告當時實際係咪曾參與非法集結，甚至暴動。

裁決已出，3人脫罪，對於判決你有何意見？不妨留言講講。

原圖：星島日報

https://std.stheadline.com/realtime/article/1327819/%E5%8D%B3%E6%99%82-%E6%B8%AF%E8%81%9E-%E4%B8%8A%E7%92%B0%E8%A1%9D%E7%AA%81-%E5%A4%AB%E5%A9%A6%E5%8F%8A%E5%A5%B3%E5%AD%B8%E7%94%9F%E6%9A%B4%E5%8B%95%E7%BD%AA%E8%84%AB-%E5%AE%98-%E5%9F%BA%E6%96%BC-%E5%AF%A7%E7%B8%B1%E6%AF%8B%E6%9E%89-%E5%8E%9F%E5%89%87