今日係元朗「7.21事件」一周年,警方昨夜喺社交平台專頁發文,炮轟民主黨立法會議員林卓廷指控失實,指明明警方已多次邀約協助調查,但林卓廷不斷推搪之餘,竟然仲反老屈執法者冇聯絡過佢!
警方表示,當林卓廷公開表示手上有「7.21」事件相關證據後,至今已嘗試超過十次透過電郵或電話聯絡佢,但林卓廷不斷推搪話冇時間或者遲啲覆,到最後就梗係冇下文,警方未能取得進一步資料。但近日有報道提及,林卓廷竟然話警方「沒有聯絡他提供片段或邀請協助調查」,警方鬧爆佢言行不一而且居心叵測,對佢嘅失實指控表示憤慨並予以強烈譴責。
而據《東網》報道,林卓廷狡辯話警方只係打電話畀佢,「問我使唔使落口供,冇向我索取片段」,仲惡人先告狀,話警方想轉移視線,誤導公眾云云。
明明警方約咗超過十次,但林卓廷竟然話冇聯絡過佢?大家信邊個?
原圖:星島日報、Now新聞截圖
投票已截止,多謝支持