非法佔中發起人戴耀廷捲土重來，搞所謂「初選」妄想取得「35+」立法會議席拖垮特區政府，被港澳辦及中聯辦先後點名批評涉嫌違反《港區國安法》（請按此重溫）。兩辦發話，有份牽頭搞「初選」嘅「已完」區諾軒驚到腳震，話會退出所有「初選」工作喎。

稱「合法參與政治活動」是極限

區諾軒今朝喺Facebook專頁發帖，強調「合法參與政治活動」係佢可以付出嘅極限，仲講到明「因應中聯辦、港澳辦相繼發出聲明指控初選」，決定即日起退出「初選」一切工作。不過淆底還淆底，區諾軒亦不忘借啲意散播白色恐怖，話咩確保唔到自己人身安全，要為身邊人負責云云。

區諾軒咁講，即係佢都承認「初選」唔係合法嘅政治活動？雖然佢依家話唔會再掂「初選」嘅嘢，但大家話係咪應該照樣追究到底呢？

原圖：區諾軒Facebook

https://www.facebook.com/nokhinau/photos/a.1828112180612501/3033490156741358