自反修例風波以來,多達627位警員因抗暴受傷,現時仍有15位受傷警仍未回歸崗位,立法會議員葛珮帆近日專訪一位受傷最嚴重之一嘅警員威Sir,威Sir當時遭黑衣斬逾廿刀險死,但威Sir仍表示無悔做警察。
威Sir於去年八月喺葵涌警署下班時,遭三名黑衣刀手狂斬二十多刀,威Sir提及被斬時嘅情況,哽咽指,當時被斬成到身血,部分傷口仲深到見骨,而右手係最嚴重,因為右手擋咗好多刀,拇指當時甚至被斬甩。威Sir透露當時入院時,因為傷勢太過嚴重,一度難以止血,威Sir甚至同醫生講「辛苦你」,威Sir稱之後有3個醫生輪流幫佢做手術,做咗成14個鐘先救返。
威Sir仲指初初入院嗰陣,除咗頭部外身體其他部分都郁唔到,而經過10個幾月嘅治療後,現時大部分已適應,不過右手情況仲係有啲差,執筆同拿筷子係有難度,而拍手就痛,不過威Sir有信心慢慢可克服。
威Sir更表示至今無悔做警察,同時希望自己可以盡快康復重回警署,望可減輕同袍嘅壓力同負擔。對於被斬傷,威Sir指自己至今都無嬲過,反而係心痛年輕人誤信好多假消息,做出違背良心嘅事!
威Sir嘅英勇,大家都感受到,祝願威Sir盡快康復,師兄加油!
原圖:葛珮帆Facebook片段截圖
投票已截止,多謝支持