歌手梁漢文一直熱愛踢波,但因疫情原因,近半年無得踢,日前,等咗好耐嘅梁炳終於踢成波,本來有波踢係開心嘅事,但因為梁炳同譚詠麟(譚校長)及謝振中(謝Sir)合照而遭到黃友割席,話以後都唔聽梁炳嘅歌,甚至有黃友狂鬧梁炳,搞到梁炳好無奈,梁炳其後更發文訴心中嘅無奈。
愛國愛港嘅譚校長因為敢言而被黃友針對,最可怕嘅係,黃友連譚校長身邊人都唔肯放過,近日譚校長孖住李克勤、梁漢文及謝振中等人踢完波影大合照,照片一出,黃友即發癲,話要割席梁漢文,仲有黃友鬧梁漢文「無良知」、話好失望云云。
梁炳今日喺IG回應,表示好委屈,同時指自己問心無愧,「我沒籌碼 還是確信做人是老實無價 等咗半年先踢到一場波 估唔到依家踢場波難,原來做人更難。 踢完走,校長拉住話影張相......做人應該尊重前輩...... 影張相,原來會被人覺得犯下彌天大罪 天下判官何其多 我問心無愧便是了。」
黃友癲起上嚟六親不認,踢完波開心影吓相有咩問題?撐梁炳嘅問心無愧!
原圖:梁漢文微博圖片、譚詠麟微博圖片
投票已截止,多謝支持