美國一次又一次針對中國，近日有指美國將封禁中國多個手機端應用（APP）軟件，當中包括微信及TikTok（抖音海外版），對此，中國外交部發言人華春瑩串爆反問美國驚啲乜，更向美表示「不要做那些貽笑天下的事」。

7月13日嘅例行新聞發佈會上，有記者指美國白宮國家貿易和製造業政策辦公室主任納瓦羅（Peter Navarro）近日曾表示，所有嘅數據都會通過孩子們喜好嘅移動應用程序，例如TikTok會直接進入中國的服務器，進入中國軍隊、進入中國共產黨云云，記者更指，特朗普預計會對此應用採取强硬行動，美國唔排除禁止TikTok和微信，問到發言人對此有咩回應。

叫納瓦羅為其說法拎出證據

華春瑩批評納瓦羅嘅說法，反叫納瓦羅為其說法拎出證據，更指如果拎唔出證據，即代表納瓦羅喺自己可恥嘅謊言單上又增加了一條。

華春瑩更串爆美國一直自詡擁有強大嘅價值觀，但現時卻對一個年輕人喜歡嘅、輕鬆分享娛樂影片嘅社交媒體如此害怕！反問强大嘅美國點解會咁脆弱？華春瑩指呢個係一個值得大家深思嘅問顯，同時希望納瓦羅及美國官員認真思考，希望佢哋可以同年輕人進行對話，唔好再去做貽笑天下嘅事。

華姐果然霸氣，串得好！

原圖：網絡圖片