季尾盤點嚟啦！公民黨出名「人才濟濟」，成員霸道橫行、惡行多多，但當中邊個最離譜嘅呢？今日就同大家數一數！

講到公民黨，就一定唔可以唔提「金句王」楊岳橋，楊岳橋2018年憑一句「留案底會令人生變得更精彩」而畀人記足咁耐，楊岳橋鼓勵年輕人嘅方法認真係令人印象深刻。

除咗楊岳橋係金句王之外，譚文豪同樣都係，皆因佢連「瞻」同「膽」都傻傻分不清，曾經將「馬首是瞻」讀成「馬首是膽」，變成笑料一則，加上政治機師呢個身份，公民黨最離譜嘅投票，點又可以無佢份呢！

陳淑莊戰績不遑多讓

而數到今年最出位嘅，一定要數郭榮鏗，郭榮鏗為阻止國歌法通過，而瘋狂拉布，選主席選足半年都未選到，事後仲衰到畀港澳辦、中聯辦點名批評，出位指數夠晒高。

另外，仲要提吓郭家麒，郭家麒曾斥特首林鄭言論「難聽過粗口」，其後更為抹黑國安法而亂噏廿四，搞到連保安局長李家超都忍唔住鬧爆郭家麒言論「粗口都不如」。

最後，點少得同樣強勁嘅女選手陳淑莊，陳淑莊除咗涉違禁聚令，明明酒吧Happy硬話開會之外，早前粗暴蝦女記者一事，同樣令人咋舌，戰績對比以上四位男士，可謂不遑多讓。

呢五位，你又覺得邊個最衰最離譜？定以上皆是？投票兼講講理由啦！

原圖：無綫新聞截圖、大公報

http://www.takungpao.com.hk/hongkong/text/2016/0823/18640.html

http://www.takungpao.com.hk/news/232109/2020/0104/400131.html