港區國安法一生效,震懾力十足!獨黨玩完;獨友收歛!有指警方評估示威數字減少,決定於本周日(12日)起重組專門對付示威活動嘅「踏浪者」行動人手,屆時將會有3,500名防暴警回歸日常崗位。
警方去年部署嘅「踏浪者」行動中,調配6,000防暴警員專門用於應付示威衝突,本在今年3月時,因疫情關係曾一度解散「踏浪者」4,000防暴警。及至5月時,因嚴防騷亂借周年之勢重臨,防暴隊再次恢復6,000人規模。
國安法實施後,劍指港獨及暴力示威等行為,更有不少獨黨在生效前已摺埋解散。而示威活動中,港獨口號及旗幟都明顯大減,警方因而評估示威衝突數字會減少。
《HK01》引消息報道,警方因此再次重組防暴隊人手,將於本周日(12日)起,主要由機動部隊、衝鋒隊及速龍小隊組成嘅「第一梯隊」,當中直屬五大總區嘅衝鋒隊警員,將會重返各總區,進行包括機動性巡邏等例行工作。另外主要由軍裝警員組成嘅「第三梯隊」,亦會於周日重返正常崗位,亦會由「OT更」轉為正常8小時嘅三更制。而本月尾,主要由警區快速應變部隊及刑事偵緝探員組成嘅「第二梯隊」大部分警員亦會返回其崗位。
重組之後,防暴隊仍會保留約2,500人,警方亦會繼續密切關注示威形勢。
好!「超級王牌」港區國安法一出,為執法者注入強心針!警隊喺呢一年為咗止暴制亂疲於奔命,現時有國安法坐陣,冀騷亂大減。之前鎮暴平亂的日子,真係辛苦執法者啦!
原圖:無綫新聞截圖
投票已截止,多謝支持