亂叫口號好過癮?分分鐘有法律後果!特區政府講到明「光復香港 時代革命」有港獨顛覆含意(請按此重溫)。可能驚仲係有人唔明,律政司司長鄭若驊今日出席電台節目時,話雖然好難一概而論,唔能夠以字眼去決定,但就提醒大家千祈唔好以身試法,因為《港區國安法》寫到明,一旦終成就會喪失選舉資格,由於條文冇寫明時限,所以可視作終身失去資格!
鄭若驊引述《港區國安法》條文指,任何人組織、策劃、實施或參與實施以下旨在分裂國家、破壞國家統一行為之一的,便是犯罪,若市民目的不在搞事,就無謂去做呢啲行為喇!
雖然有黃友死撐話「光復香港 時代革命」唔一定係港獨咁解,但其實黑暴都已經玩咗香港年幾,到底係咩人會嗌呢啲口號,大家心照啦!嚟緊立法會選舉,仲有冇參選人會叫呢八隻字?大家拭目以待!
原圖:無綫新聞截圖
投票已截止,多謝支持