新聞自由為何？陳淑莊必定深有體會！

回應記者追問，唔使用口嘅，出手奪證就得啦！一扯一拉，行雲流水，乾淨俐落，之後再來個帶有沙文主義口吻的詢問︰

「係咪即係我唔好意思？」

「哎呀，有冇事？睇吓。紅咗呀？oh！sorry！」

當中的虛情假意，憑借洋文昇華至極點，中英夾雜，態度不屑，何止官威，簡直君臨，加之楊岳橋身邊「侍奉」，環顧獨欠一句「萬歲萬歲萬萬歲」。從不知原來立會議員是如斯「尊貴」，追問不得。

最後事件鬧大，只要補回跪低聲明，加上記協循例「關注」，平日會自動彈出、酷愛譴責的同路人知機封口，完美地實踐了口中念茲在茲、偉大的「新聞自由」(黃色版本)。

開首何不回答查問？

陳議員心煩、多疑、氣躁，相信就算是家燕姐良方亦難根治。無他，心病還需心藥醫，涉違限聚令蒲吧嫌疑未消；國歌法通過國安法將臨，更可恨是同路人樂此不疲地沉溺於「小圈子」初選之時，自己卻是oh！sorry！——齋睇無得玩(佔中案被判監緩刑，9月無得選立會)。

嗚呼哀哉！或許這就要可憐那位並非《蘋果》、也非《立場》的女記者，本來是追問角色，誰不知被查問返轉頭，仲要獲贈「人生金句」(公民黨寧舍多)︰「咁你自動講咪唔關事囉。」

係囉，如果陳議員一開始「自動」答會唔會申請政府所派的一萬元「咪唔關事囉」！

新聞自由為何？原來如此！

原圖：HKG報、點新聞YouTube視頻截圖

https://www.youtube.com/watch?v=RlKXlc33slM&feature=youtu.be