「港版國安法」出爐後,黃營因怕怕而不斷搵外勢力插手,美國更靠嚇話要制裁中國,黃絲藝人王喜近日接受毒果訪問時,提到封殺,揚言自己唔怕被內地封殺,強調自己終會有空間,仲拉埋中國嚟講,話中國將被全球百幾個國家制裁,但中國都唔擔心云云!
王喜因轉貼褻瀆周恩來總理嘅文章,而被內地網民發現其黃色藝人身份曝光,其後出演嘅節目更被用馬賽克遮蔽,談到被封殺,王喜一副大無謂,又話睇闊啲,串爆指嚟緊中國會畀全球百多個國家封殺,意指中國都唔驚自己亦冇咩好驚,又話被封殺嘅最終會有自己空間,有自己生存技巧,指雖然會冇咁開心,但又話被封殺唔會死云云。
中國立港版國安法天經地義,而王喜今日被封殺係自己攞嚟,佢憑咩用中國比喻自己?口出狂言,離譜!
原圖:網絡視頻截圖
https://www.youtube.com/watch?v=qpjBhn_XEs8
投票已截止,多謝支持