近來西方國家不斷用「港版國安法」嚟對中國及香港「打嘴炮」,當中美國仲威嚇話要實施制裁,稱會撤銷香港特殊待遇,但侵侵對住香港時就係威係勢,但一提中國國家主席習近平就即係懶friend,話無考慮過制裁習近平喎。
特朗普6月3日接受Newsmax TV、白宮前新聞秘書斯派塞(Sean Spicer)訪問,自稱同習近平好Friend,但就話兩人好耐冇交談。而當記者問到,侵侵會唔會就「港版國安法」而制裁習近平時,侵侵就話自己冇考慮過呢一點。
雖然侵侵講到自己同習近平係好朋友,但侵侵繼續將新冠肺炎責任賴畀中國,話中國未能從武漢阻止病毒擴散,搞到疫情喺全球蔓延喎。
中央為香港立國安法合情合理,侵侵憑咩插手?美國抗疫一鑊泡,除咗只係識賴畀中國外,又有冇反省?事事得把口,特朗普靠把口治國嗎?
原圖:無綫新聞截圖
投票已截止,多謝支持