港台可能係符合「成本效益」嘅相反詞。話說今日商經局書面回覆民建聯葛珮帆,有關過去兩年港台數碼電視頻道嘅製作成本同埋收視多寡。唔提猶自可,一提把幾火!當局話,2018年及2019年,港台電視31台平均收視,分別只有可憐嘅0.1、0.3;32台竟然同佢叮噹馬頭,兩年分別得0.0、0.5。以人數計,2018年,兩個台加埋,收看人數連1萬都冇。另外,商經局又指,港台數碼電視頻道於2018-19及2019-20兩個財年以每小時計算嘅製作成本,高達逾2.5萬元及近2萬元。
嘩啋,原來港台都識得「進步」㗎!但呢小小嘅「進步」,到底係知恥近乎勇,還是多得社會各界睇到實,就冇人知喇。不管如何,港台收視低、效益低毋庸置疑,身為納稅人嘅你,仲想唔想港台繼續存在,做公帑焚化爐呢?
原圖:星島日報、港台《頭條新聞》截圖
投票已截止,多謝支持