全球多國爆發新冠肺炎,當中更有些國家疫情嚴峻,而喺呢個時候,美國有醫護竟然攞疫情開玩笑?近日,美國有4名疑似醫護人員手持一個裝了人嘅屍袋,並在鏡頭前笑晒口跳網上熱爆嘅黑人抬棺舞,醫護拍完片後更將影片上載至抖音,事件引來大批網民批評,更有網民話要將4人炒魷魚。
由片中可見,4名身穿醫護裝束嘅人士,將裝了人的屍袋抬到肩上,而屍袋上寫明COVID-19,4人邊抬邊喺鏡頭前跳黑人抬棺舞,影片事後被一名叫joedmarielaboydes嘅抖音帳號發布至網上,網民睇完嬲爆,更有網民將涉事者起底,發現帳號名稱與一名位於美國波多黎各某醫院醫護名稱相同,令人懷疑該名美國醫護係涉事者之一,涉事者期後將影片刪除。
新冠肺炎造成多人死亡,各國都對此感到傷感,網民鬧爆身為醫護不應開此種玩笑,又有網民認為4人嘅行為不該,要求院方開除涉事4人。
身為醫護用死人嚟「尋開心」,簡直離譜,大家點睇?
原圖:星島日報新聞截頻截圖
投票已截止,多謝支持