壹傳媒創辦人黎智英話每月蝕5,000、6,000萬元都幾牙煙，難怪佢要拋個身出嚟求訂閱？！近日，黎智英現身拍片求援，冀讀者訂閱《蘋果日報》，不禁令人思疑《蘋果》究竟當下係咩情況。經過一番「動之以情」後，昨日，肥佬黎現身網台稱訂閱數稍有回升，不過佢講到每個月仍要蝕錢。肥佬黎咁肉痛，黃友呢？

表示未為或入獄而害怕

黎智英接受網台訪問，談及旗下媒體經營困難，但自言會撐落去。究竟現時佢係咩情況？佢表示訂閱數多了3萬，「去返60萬，但離我哋可以撐係仲有一段距離。」他又稱倘訂閱數有90萬，就會有收支平衡 的可能，「80萬到都OK㗎啦，我咪自己攞啲出嚟，或者我哋睇點樣搞掂佢囉，即係而家一日……一個月蝕成5,000萬、6,000萬就係都幾牙煙，但如果一個月蝕千零萬咁就OK㗎，我哋可以捱落去。」肥佬黎講呢啲？孰真孰假就由讀者判斷！

對於近來被捕，黎智英表示儘管今日被捕，或倘日後要入獄，從來未想過後悔或害怕。有云「出得嚟行，預咗要還」，黎智英亦表示「抗爭」就要有所負責，若以為可避責屬天真，他又指出不可只推人上前線，而自己安坐後面云云。

黎智英會否入獄，尚待法庭審判；但蝕錢就似蝕到入晒肉，好心呢？福心呢？真係要問問黃友囉！

原圖︰大公報資料圖片

http://news.takungpao.com.hk/hkol/politics/2015-01/2898106.html

http://www.takungpao.com.hk/news/232109/2020/0325/429879.html