港台再有節目因涉煽暴仇警被警告,港台屢屢被批評,真係警告就可以了事?!通訊局昨表示,港台去年11月20日播出電視節目《左右紅藍綠》其中一集違《電視節目守則》,指該集嘉賓主持發言,刻意將警方行動妖魔化,裁定該節目有關煽動仇恨及資料不真實嘅投訴成立,因此向港台發出嚴重警告。
港台近來成為社會爭議話題之一,其中《頭條新聞》被批抹黑執法者、節目《The Pluse》又被指借疫煽台獨,是次再有節目再受批評——《左右紅藍綠》於去年11月20日嘅集數中,作為嘉賓主持嘅教育大學講師蔡俊威喺評論警方在中大、理大的拘捕行動時,指警方係「血腥圍攻」,又稱警員處於「瘋狂狀態」、「報復式廝殺平民」云云,節目播出後一共收到347名人士投訴,港台隨即將節目由網上節目重溫資料庫移除。
通訊局認為當日港台節目係刻意使用非常強烈嘅措辭,將警方嘅行動妖魔化,甚至將警方同聯合國所譴責嘅恐怖分子相提並論,通訊局認為,就算有關言論係由嘉賓主持發表,港台有聲稱主持嘅言論唔代表其立場,但港台都唔可以免除作為免費電視廣播機構嘅責任。面對嚴厲批評,港台僅回應尊重通訊局裁決,表示詳細檢閱裁決再作跟進云云。
港台多次被批評,社會上有聲音要求整治港台,甚者更要求「摺台」。話口未完,港台再有節目被轟,真是「嚴重警告」就可了事?請留言講意見!
原圖:港台《左右紅藍綠》節目截圖、星島日報
投票已截止,多謝支持