警務處長鄧炳強今出席立法會特別財委會回應議員提問，雖然被一眾黃政客圍攻，但依然見招拆招，而且有力還擊，確是了得。其中民主黨尹兆堅誣蔑警隊縱容藍絲，更稱「私了」係由警隊「發明」云云，真係駭人聽聞。對此，一哥好唔客氣，串爆尹兆堅存在「心理偏睇」，串爆佢點解睇唔到黑衣人所做嘅嘢。

一哥今強調警方「不偏不倚執法」，尹兆堅發言時搬出「心理學」，話「不偏不倚」啟發佢發問問題，指藍絲市民在反修例事件後不斷襲擊反送中嘅香港市民，指社會上嘅「私了」係警隊縱容及配合出嚟，雖然有片有相有真相，但最終都係不了了之，由此質疑警隊縱容藍絲傷人，質問一哥此是否合理，是否不偏不倚？啲帽子一頂大過一頂。

尹議員神論：私了係警隊發明

一哥回應時先用尹兆堅所謂嘅心理學反串尹兆堅，直指尹兆堅存在「心理偏睇」，反問點解佢睇唔到11月11日嘅有人於馬鞍山被火燒，點解又睇唔到黑衣人用水喉射人。

串得應！係囉，黃議員睇唔到黑衣人犯事㗎，點解嘅？

原圖：立法會片段截圖