今早立法會財委會特別會議,就衞生防護問題展開討論,請嚟食衛局局長陳肇始出席解答議員問題,當中毛婆毛孟靜在會上玩嘢,係咁針對武漢而批評政府唔肯全面封關云云,其中質疑若武漢人於北京簽注來港嘅話,反問政府點會知,此言一出,葉太葉劉淑儀都忍唔住發言串爆毛婆,一句KO咁話,「直指簽注由公民簽,你太無知。」
毛婆先質疑香港又停課又停業,但又不願對大陸全面封關,更陰謀論指此決定是否由一國兩制之下嘅一國所決定,食衛局局長陳肇始回應指出,現時湖北、武漢簽注仍不能入境,以及由上述兩地回港嘅香港人居民,亦有強制14天家居隔離。
但毛婆繼續死咬唔放,反問若武漢人先去北京,或經廣州再到港,甚至武漢人,但簽注來自北京或廣州其他地區,質疑港府點會知道?
就係呢個言論,搞到葉太忍唔住爆Seed,發言時先表示「我真係忍唔住啦,我要補充」,然後直斥毛婆,指簽注係由地方公安簽,武漢居民唔可以走去北京簽,最後再串爆毛婆,「因為你太無知呀」。
串得好,葉太霸氣!毛婆連問題都未搞清楚就發問,呢啲就係月袋10萬嘅議員,唉,香港人真悲哀。
原圖:立法會影片截圖
投票已截止,多謝支持