【世看疫情】新冠肺炎又關5G乜嘢事?有英媒報道,網上近排流傳一段荒謬言論:5G網絡有機會傳播新冠病毒;有帖文甚至煽人去破壞基站。更荒謬的是,英國中部伯明翰和北部默西塞德過去兩日真係有基站被燒毀或破壞。
有關謠言是這樣的:有些人提出,5G可以抑制人體免疫系統,令你我他更容易畀病毒感染喎。謠言匪夷所思至此,連英國官員都直斥係胡說八道。偏偏就是有人破壞基站,到底肇事者真心相信謠言定係乘機搞事?只有佢哋至知喇。
難道英國人因疫情氾濫而人心思亂?不管如何,只能夠講句老話:「世事真係無奇不有。」
原圖:無綫新聞截圖
投票已截止,多謝支持