黃友把持區議會後鬧劇醜聞不斷，香港市民看在眼裡，記在心裡，他朝若連立法會也「失守」，我哋嘅香港又會變成點？九月就係立法會換屆選舉，公民黨就講到明，如果反對派喺立法會奪得過半議席，將不惜反對一切政府議案，以逼迫政府回應所謂「五大訴求」（請按此重溫）！若然政府真的被拖垮，經民聯立法會議員梁美芬相信，中央為了救香港，到時自會出手，在香港頒布全國性法律。

公民黨楊岳橋表示，如果政府唔處理「五大訴求」，公民黨將會「否決每一個法案、每一個財政撥款」；同黨譚文豪就話「一日唔落實五大訴求，我哋一路反對下去」，企圖癱瘓立法會，同香港「攬炒」！

可宣布香港進入緊急狀態

對於這些可怕的論調，梁美芬批評，泛民不惜癱瘓香港都要同政府作對嘅做法，即係同香港「同歸於盡」，若《財政預算案》被否決，成個公務員系統甚至醫院亦唔會有錢，到時中央自會出手，實施其他條文賦予嘅權力。梁美芬引用《基本法》指，人大常委會可以宣布香港進入緊急狀態，頒令全國性法律喺香港實施，「我相信都係為咗救香港」。

原圖：無綫新聞截圖