觀塘區議會日前開會，討論上屆區議員已拍板興建嘅觀塘海濱公園音樂噴泉工程事宜。一班民主派區議員就繼續玩嘢，一味糾纏要推翻有關工程。出席嘅民政事務總署助理署長鍾雅之稱應尊重上屆區議會嘅決定，有關工程已經展開，明年中完工，唔存在撤回嘅可能！
好明顯，民主派一味政治先行，上屆建制派區議員通過嘅，不問好醜就係要反對！不理會若然依家先推翻有關工程，無疑更浪費公帑，何況建一個音樂噴泉，除了有地標作用，更有美化地區的作用，令市民賞心悅目，試問為何一定要野蠻拉倒？民主派區議員仲質疑音樂噴泉可能會好似早前智慧燈柱咁，喺示威中畀人拆落嚟！
嘩！分明靠嚇啫！官員就強調，破壞公物嘅行為，警方都必定會嚴正執法！
作為一個區議員，原是要竭盡所能去服務所屬選區，無奈黃絲當道，選出來的區議員，質素之差劣，大家有目共睹，有不少實在令民主迅速蒙污！他們不是一心一意為地區謀建設，而是只想到「喺示威中畀人拆落嚟」！咁嘅心態，點服務區民？
當然，還有更令人不齒的，相信係深水埗區議員李文浩及劉家衡不久前在其聯合辦事處門外，貼出「藍絲與狗不得內進」，此舉引來大量投訴和指摘！民政總署亦指相關行為涉嫌違反區議員嘅操守指引，並提醒兩位議員使用公帑時須遵守公開、公平和問責嘅原則，其行為或亦不符合《酬津指引》！
呢啲咁劣質嘅區議員，有評論員直斥其無恥，是民主的污點！李文浩之流，水鬼升城隍，出公帑糧，有選擇服務誰的權利嗎？你條友仔若有事，求助警察，唔通警察又可以話：你係黃絲區議員，過主啦，我係唔會服務你㗎！
有論者指出拒服務藍絲，應五折出糧！
事實上，李文浩及劉家衡明顯涉觸犯「公職人員行為失當」罪。加上兩人過去亦有張貼「光復香港、時代革命」等港獨標語，已疑屬違反《區議會條例》條例，有關部門應考慮依據《區議員手冊》和有關條例DQ二人，以正視聽、以紓民憤！
香港之所以一直在沉淪，就係政府一直不作為，係又包容，唔係又包容，終於包出禍！教育界有唔少黃絲教師散播仇警言論，更有逾千中學生涉反修例黑暴被捕，今地區又盡是黃絲區議員，香港即使抗疫成功，卻又有妖風邪氣來襲！
來緊嘅立法會選舉，選民再不睜開眼投票，香港劫數難逃！
原圖：星島日報
投票已截止，多謝支持
返回
