還柙咗5個月嘅理大生終於可以保釋喇!話說去年反修例反到天昏地暗,22歲理大生吳俊偉涉於9.21喺旺角警署外藏錘仔、打火機燃料、玻璃樽等物品。被告否認一項藏有攻擊性武器嘅罪名。本案早於1月初開審,訂埋今個月10號續審,但新冠肺炎肆虐,令大量法庭訴訟積壓,此案唔知褪到幾時。屈指一算,被告至今已被還柙5個月,辯方今以環境有變為由申請保釋外出,獲裁判官批准。
有關保釋條件包括現金5萬元及其母親以20萬元人事擔保,不准外遊,除覆診、上課、見律師或緊急情況外,須24小時留在家中等。
原圖:星島日報
投票已截止,多謝支持