全城抗疫之際,黑衣繼續破壞香港!凌晨時份,港鐵四站連環遭到破壞同遭縱火,現場均發現玻璃碎片,警方正展開調查。
今3時許至清晨5時前嘅一個多小時間內,港鐵分別發生兩宗縱火案及兩宗投擲雜物落路軌事件,受破壞嘅四個港鐵站包括,東鐵太和站附近、輕鐵天水圍天悅站、輕鐵元朗屏山站,及港鐵荃灣綫葵興站。
港鐵表示,凌晨約3時50分時,一列東鐵綫不載客列車向南行往太和站方向途中,駛近康樂園時,車長發現路軌上有雜物,包括為一部單車、幾個舊圍欄同「雪糕筒」等,事後車長將雜物移開,隨後車務控制中心報警處理。
凌晨3時48分,天水圍輕鐵天悅站起火,消防接報到場將火救熄後發現,一部售票機被焚毀,警員於現場發現玻璃碎片。到凌晨4時15分,元朗輕鐵屏山站起火,一入閘機、椅子及電箱被焚毀,現場亦發現玻璃碎片。兩案暫列縱火,暫未有人被捕。元朗屏山站起火一案,警方正追緝兩名案發時,穿黑上衣、黑長褲、戴黑色帽及口罩嘅男子。
凌晨4時48分,警方接報指港鐵荃灣綫葵興站,有人將雪糕筒拋下路軌。職員將雜物移走。
港鐵再次呼籲任何人士不要在路軌範圍放置外物,此行為會嚴重危及列車行駛安全,同時呼籲,為己為人,亦不要擅闖路軌範圍。
黑衣沒完沒了,多次針對港鐵,喺呢個疫情關鍵時期,仍未肯收手,簡直就係離譜!
原圖:星島日報
投票已截止,多謝支持