1月7日晚，約有40多名男女自發於葵涌梨木樹進行清連儂牆活動，期間遭到所謂「街坊」不滿，其後被形容為清牆人士打罵「街坊」。活動組織者之一、「香港好市民」召集人藍藍接受《文匯報》訪問時澄清，清牆人士並無打「街坊」，係「街坊」攻擊佢哋，藍藍更指自己認得施襲者咩樣，身為單親母親嘅藍藍選擇放棄報警，因為想畀個機會施襲者改過自新，希望佢哋迷途知返。

藍藍向《文匯報》講解整件事，表示當時自己正同隊友進行清理活動，但一班自稱「街坊」嘅人衝埋嚟，不斷挑釁謾罵，自己一度行向「街坊」，對方即用強光照射，故自己曾指住佢哋講，「可唔可以唔好影住我哋」，後來就被媒體講成藍藍指罵「街坊」。藍藍表示自己想拎手機拍攝對方時，卻遭對方搶走手機兼被砸到自己頭上，令其頭部嚴重腫脹，藍藍強調自己追對方係因為對方打完人就走，同時強調自己並沒有打對方。

明白關心比責罵強

藍藍坦言表示自己認得施襲者係咩樣，但最終唔報警嘅原因係，因為自己有個女同佢哋年紀差唔多，所以為人父母都係希望畀個機會佢哋。加上藍藍年輕時曾經歷叛逆期，一度離家出走，但最終回家時，得到嘅只係關心而非責罵。因為自己嘅經歷，所以藍藍明白，當一個人知錯嘅時候，如果用關心嘅態度對佢，佢會回頭嘅。

藍藍用心良苦，用愛感化黑衣，但黑衣會領情嗎？！

原圖：星島日報、文匯報

https://std.stheadline.com/instant/articles/detail/1175725/%E5%8D%B3%E6%99%82-%E9%A6%99%E6%B8%AF-%E4%BF%AE%E4%BE%8B%E9%A2%A8%E6%B3%A2-40%E4%BA%BA%E6%92%95%E6%AF%80%E6%A2%A8%E6%9C%A8%E6%A8%B9%E9%80%A3%E5%84%82%E7%89%86-%E8%A1%97%E5%9D%8A%E4%B8%8D%E6%BB%BF%E9%81%AD%E8%BF%BD%E6%89%93-%E7%89%87%E6%AE%B5

http://paper.wenweipo.com/2020/01/11/YO2001110009.htm