反修例風波持續五個多月,當中黃媒偏幫暴徒嘅情況愈發嚴重,扭曲事實誤導觀眾,而港台更一邊拎住公帑,一邊出各類美化暴徒嘅報道,行為離譜。由一批資深媒體人組成的香港資深傳媒人員聯誼會港台節目關注組,近日六問港台,質疑其點解站於反對政府及止暴制亂工作對面。
一問香港電台用人有否準則。指出港台嘅記者多次大鬧警方記者會現場,當中包括一名港台新聞部當兼職記者、20歲嶺大女學生朱梓瑩更涉參與暴動被捕,被控暴動罪,關注組直問港台打算點處理呢名記者,又問該台招聘員工有咩準則及員工有何守則要求。
二問港台點解有法不依。明明政府已經公佈禁蒙面法,但港台仍喺《城市論壇》中請蒙面人做嘉賓,觀眾席仍有唔少蒙面人出現,質疑港台見違法之點解唔阻止。
三問港台係點去揀嘉賓。港台曾邀教育大學講師蔡俊威做嘉賓,但蔡俊威談及理大被佔領一事嘅發言全歪曲事實誣衊警方,更從頭到尾冇提暴徒暴行,質疑港台點解會容許蔡俊威散播惡毒謠言,而港台請嘉賓有何準則?
四問港台點解縱暴製亂。港台節目《頭條新聞》於11月8日竟將暴制亂歪曲成「止暴製亂」,大量剪輯警方鎮暴畫面,完全唔提暴徒先係動亂嘅真正根源,直斥港台行為無異為暴動抱薪添柴。
五問港台點解要美化暴徒,《頭條新聞》11月15日嘅節目中,歌頌暴徒為「英雄形象」,將其掟磚、掟汽油彈、縱火、堵路毀店、癱瘓交通、毆打殺害異見者及襲警等暴行美化成「英雄」,質疑港台行為係摧毀年輕人未來?
六問港台誰為暴徒隱惡。喺港台主持人口中,暴徒只被稱為「示威者」甚至係「市民」,質疑港台無原則同罔顧事實嘅「中立」,還是刻意為暴徒隱惡?
港台一再偏幫暴徒,關注組問得好,畀Like同Share出去要求港台回應!
原圖:港台《頭條新聞》節目截圖
投票已截止,多謝支持