使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

救港人,香港係時候改變喇

2019.11.15 11:00 博客 葉鳴

政府止暴制亂無能,整個香港一片烈燄暴行,香港不是暴力之城,佢已升級成為恐怖之都!全個香港,唯一安全嘅地方,恐怕就只得禮賓府!

根本就係無政府狀態

回歸廿二年,想不到一場反修例風暴,令林鄭及其廢柴管治班子的無能,赤裸裸的寫在牆上!香港,已淪陷,根本就係無政府狀態,黑衣人正暴力管治香港!「廟堂之上,朽木為官,殿陛之間禽獸食祿」,呢十六個字正正是當今政府的切實寫照,三司十三局,個個人工高過美國總統,卻無一個是男兒!

正當全城血戰,中大淪為「兵工廠」,林鄭夜召司局長夤夜開會,政務司司長張建宗依然廢噏當秘笈話係「普通會議」!唉!筆者平時禮貌周周,依家都要請佢食超記老味!家陣香港已經到了最危險的時候,仲做駝鳥埋首沙堆自欺欺人!

各位,睇見政府用把口去止暴制亂,一向予人溫文儒雅嘅周融,都忍不住在沉默中爆炸:請問止暴制亂是來真的嗎?周融畢竟是務實之人,佢為無能政府提出了不少切實可行的辦法,如即設止暴特別法院;警方應該反客為主等。然而,「避政司司長」鄭若驊會做嗎?林鄭有魄力去全力配合推行嗎?一味得把口有信心、有能力有用嗎?

暴徒暴行竟係零成本

看到港人面對烈火暴行的無奈,馬不能照跑,想返工返學又返唔到,出到街又一步一驚心,駕車又怕堵路,講嘢都要好小心,否則「私了」輕則做「血人」,重則做「火人」!做生意嘅,只要看你唔順超或覺得你有中資背景,開門做緊生意都可以如蠻牛入去橫衝直撞,大肆搗亂;而即使落咗閘,一樣撬爛入去打砸搶燒,更加唔會理及舖上有民居!暴徒嘅暴行,竟然係零成本!

阿哥,如此民不聊生,民心虛怯到企到企唔穏,林鄭卻一味廢噏有信心恢復香港秩序,真係你唔出聲好地地,一出聲比粗口更難聽!

嗱!中文大學變「暴大」,又淪為「兵工廠」,大學校長「教不嚴」固然難辭其咎,而政府盲目一味投下資源培訓出一大班暴徒,不也戇居嗎?

日前,鑑於蔓延全港的烈火暴行持續升溫,中大已決定提早結束學期,其他院校不是繼續停課,就是改以網上教學。事實上,各大專院校紛紛失控,大學「教冇能」使不少人感到無奈,難怪有人詰問:我們還需要大學嗎?有論者甚至認為提早結束學期,不如索性解散埋,此亦對本港大專教育失敗之「放棄」論,哀莫大於心死也。

香港該當係時候變喇!

中大一百三十四公頃的美麗校園,背山面海,風景靚絕;大學,不是用來做學問、培養人才的重鎮,今竟淪為「兵工廠」,確實令人氣餒!警方數字指反修例風暴至今拘逾四千人,有逾一千五百人係學生,其中逾八百五十人係大專生;政府投下咁多資源,培養咁多暴徒,解散大學,一百三十四公頃用來建公屋,安得廣廈千萬間,大庇天下寒士俱歡顏,地盡其用,不亦樂乎!此外,政府既然止暴制亂玩假,中央再予以「肯定」,咁即係攞香港巿民生命較飛!筆者唔信中央會如此不負責任!咁嘅管治班子,留喺度盞眼冤!

香港,係時候變喇!

原圖:文匯報

http://news.wenweipo.com/2019/11/13/IN1911130003.htm

投票已截止,多謝支持

發表意見

排列方式:
Hkspeaker
呢件事嘅始作俑者,亦都係我哋嘅共同敵人,就喺禮賓府裏面癱冷氣銀銀腳打邊爐,我哋市民就喺出面自相殘殺
6天前
Hkspeaker
橫掂都係犯法 點解唔集中火力攻擊禮賓府料呢,要去搞地鐵到堵路呢
6天前
黃就是蝗
被挖磚的街道,政府可不可以不再重砌磚,而改用水泥澆蓋?待到局面受控後,並且待須拆挖時,才轉回砌磚?
20191115
黃就是蝗
大陸有句勵志話「要快樂,靠自己」,「靠」係「倚靠」個「靠」;傳咗到香港,老師教:「靠」係「我靠」個「靠」。學生,而家實踐緊嘞。
20191115
黃就是蝗
點解李家超仲唔宣佈這些曱甴是「恐怖份子」?因為已經發生多起「恐怖活動」! [] 我知,又係話咩會影響旅遊業、酒吧業吖嘛。 [] 但係,攻府你唔講,鬼佬就當唔係?拜托!撤學生的不止大陸各省(含台灣省),仲有鬼佬國呀![] 真係同那些甚麼我帶刀因為前日切蘋果呀、我帶鎚因為我在五金舖返工呀。。。一樣咁白痴。[] 反而,一定性咗係「恐怖活動」,啍啍 。。。
20191115