黃藝人何韻詩盲撐黑衣,不斷到國外唱衰香港及中央,其司馬昭之心,路人皆知!近日何韻詩再接受黃媒《蘋果日報》訪問,對於會否參選一事,何韻詩竟然講呢啲,話如果佢參與可有改變嘅話,又覺得唔拘喎!
事實上,何韻詩已經唔係第一次透露佢有想做議員嘅心,更曾稱現時嘅議員唔夠曳,太正經,話如果自己係議員嘅話,會再曳啲(請按此重溫)。
何韻詩今次再提參選一事,表示不排除參選可能,指自己仍在觀望,話要考量自己咩身份可帶來最大作用喎。佢甚至天馬行空咁指自己若果參選可以令成個系統改變嘅話,佢覺得可以參選。嘩!認真大想頭,似乎真係覺得自己好緊要咁喎!何韻詩仲話,如果明年立法會選舉若缺人手嘅話,佢義不容辭云云!
香港有班愛搞事嘅反對派仲唔夠?何韻詩仲想摻一腳?對於何韻詩可能參選,大家撐佢?
原圖:HOCC Facebook
https://www.facebook.com/HOCCHOCC/photos/a.10160225651425230/10162437403205230/?type=3&theater
投票已截止,多謝支持