《環球時報》炮轟黎智英及李柱銘，直指兩人係現代漢奸！反修例風波未停，暴徒嘅暴力行為愈見嚴重，《環時》社評連續兩日點名批評黎智英，今更發文斥黎智英及民主黨創黨主席李柱銘係「典型的現代漢奸」。

《環時》社評昨日（24日）發文斥香港《蘋果日報》係「毒蘋果」，又形容黎智英係暴力行動的策劃者、組織者及參與者。及至今日再發文批評黎智英及李柱銘，題為《香港出了一批有迷惑性的現代漢奸》，內文直指兩人愈嚟愈肆無忌憚咁勾結西方，認為黎及李等人係意圖將香港變成中美戰略博弈嘅特殊角力場，又形容黎同李係與西方勢力勾結牽制中國崛起嘅同盟，斥兩人係打著民主旗號嘅現代漢奸，目的係阻止中國走向強盛。

漢奸係廉價利用品

社評又指兩人係漢奸嘅代表者，更稱兩人骨子裡已經將自己歸入美國和西方陣營。最後，文章明言漢奸喺外部勢力眼中從來都係廉價嘅利用品，而且被利用嘅同時亦會受到鄙視，指黎同李嘅下場定必會被釘到香港歷史的恥辱柱上。

漢奸遺禍，香港紛亂，大家還要任由他們作惡？23條又怎可不立？

原圖：大公報

http://news.takungpao.com.hk/hkol/topnews/2015-12/3255026_print.html?pc