警方「O記」搗破武器庫,在荃灣一工廠大廈單位檢出烈性炸藥TATP等武器,同時拘捕一位港獨組織「香港民族陣綫」成員(請按此重溫)。警方爆炸品處理課前主管表示,TATP係國際恐怖分子常用炸藥,更指TATP高殺傷力。不禁要問,點解獨友會有呢啲恐怖分子最愛嘅大殺傷力危險物品?
TATP化學名為「三過氧三丙酮」,係恐怖分子近幾年歐洲多個遭受恐襲嘅城市常用嘅炸藥。包括法國巴黎、比利時布魯塞爾,以至前年英國曼徹斯特音樂會受襲,恐怖分子用嘅都係TATP。
爆炸品處理課前主管袁漢榮表示,TATP喺香港唔常見,屬於高殺傷力的烈性炸藥。袁漢榮更警告,自行製造嘅TATP相當唔穩定,儲存、攜帶同使用都好危險。
港獨分子竟然藏有炸藥TATP,香港幾時變得咁恐怖?港獨友係想香港從中國獨立出嚟,定係想炸咗香港,使之從地殼獨立出嚟?真係有賴警隊深入調查!
原圖:無綫新聞截圖
投票已截止,多謝支持